"ÞAÐ ER BANNAÐ AÐ DEYJA Á MINNI VAKT"

Þessa setningu lét ég stundum út úr mér við sjúklinga sem voru komnir á endastöð og voru meðvitaðir um það.  Uppskar oftar en ekki glott fyrir vikið og stundum hreinlega hlátarsköll.  Passaði mig þó á því að aðstandendur heyrðu ekki til því þeim er sjaldnast hlátur í huga á svona stundum, og þola illa, eðli málsins samkvæmt, svona ósvífnar athugasemdir.  Man eftir nokkrum einstaklingum sem ég komst í "alveg sérstakt samband við".  Slík sambönd gefa manni mikið hreint "húmaniskt".

Það er nú einu sinni svo að sé maður á kvöld- eða næturvakt á sjúkrastofnun og andlát ber að þá tekur maður á sig ákveðna ábyrð, ég tala nú ekki um ef um er að ræða einstakling sem ekki liggur á almennri deild og er ekki talinn í neinni sérstakri lífhættu.

Man eftir einu tilviki á Sahlgrenska.  26 ára gamall íþróttamaður sem hafði stuttu áður verið lagður inn með lágan mænuskaða (lömun fyrir neðan mitti, án áhrifa á hjarta eða lungu).  Fékk öndunarerfiðleika einn laugardagsmorgun og fór í hjartastopp áður en gjörgæslulæknarnir komu lafmóðir á staðinn.  Hann kom aldrei til.

Ég  hitti ekki manninn í lifanda lífi, kom á eftir gjörgæslulæknum um á deild, hafði verið að sinna öðrum erindum á bráðamóttunni .......EN hann dó að minni vakt. Hringdi í vakthafandi sérfræðing sem sagðist treysta mér fyrir þessu (enda ekkert bráðatilfelli úr því sem komið var!).  Þurfti svo að "rapportera" þetta á morgunfundi á mánudeginum og fékk yfir mig miljón spurningar þar sem ég gat fæstum svarað. Þarna fór að sjálfsögður af stað ákveðið ferli þar sem farið er yfir sjúkraskrá, lyfjalista og síðast en ekki síst krufning. Þegar niðurstöður lágu fyrir fékk ég svo bréf í innanhúspósti.  Maðurinn dó semsagt úr massívri lungnaembolíu en ekki hafði fundist undirliggandi blóðsjúkdómur eða annað  (fyrir utan lömunina, að sjálfsögðu) sem gæti hafað leyst slíkt úr læðingi.  Svona nokkuð gerist bara stundum, því miður.  Trúlega hefur engin verið fegnari en ég þegar niðurstaða var fengin í málið.

Við svona aðstæður tekur maður á sig ákveðna ábyrð,  sem NOTA BENE er ekki endilega það sama og að taka á sig sök, en  þó held ég að engum sem tekur sjálfan sig alvarlega í faginu detti í hug að vera með aumkunarverðar yfirlýsingar um að ...ég vissi ekki, ...ég þekkti ekki, ...ég kunni ekki, ...ég gat ekki, = ég ber ekki ábyrð á neinu.

AF HVERJU GETA HLUTIRNIR EKKI GENGIÐ SVONA Í PÓLITIKINNI LÍKA?  Helv. aumingar sem hvorki geta né vilja bera ábyrð á einu eða neinu.

Ég var "heppin" að einu leyti í ofanverðu máli.  Maðurinn átti enga ættinga sem kröfðust svara,  hann var einstæðingur, pólitískur flóttamaður frá Vestur-Afríku. Þannig var ekki "engin skíll sem krafiðst svara".

Íslenska ríkstjórnin er ekki svo "heppin" og vonandi fara menn að axla þá ábyrð sem þeir, eðli málsins samkvæmt, tóku til sín við stjórnarmyndun vorið 2007.

 

FRIÐARGANGAN ÓGURLEGA

Sæl veriði.

Þetta er myndin á forsíðu blaða hér í dag. 

 

Þetta er semsagt hin svokallaða friðsamlega kröfuganga hinna 20 þús. sem ætluðu að taka Santa Cruz með trompi í gær en ekkert varð úr.  Nú hefur þetta fólk hins vegar boðað komu sína á morgun (en þá er frídagur hér!).

Fréttir berast af því að þessi lýður fari um með eldi, ránum og ofbeldi og vei þeim sem standa í vegi þeirra. Þeir sem það gera eiga, í fyrsta lagi yfir höfði sér ofbeldi og í öðru lagi að verða reknir úr embættum sínum fyrir að skipta sér af aðgerðum sem eru stjórnvöldum fullkomlega þóknanlegar.  Þetta fengu nokkrir aðilar frá lögregluyfirvöldum að reyna í gær,  þegar þeir reyndu að skipta sér af meintum vopna- og sveðjuburði í hópnum. Sl. daga 2 daga hafa þó aðeins sést barefli á myndum.  Menn hafa trúlega áttað sig á því að annað gæti haft slæm áhrif á almenningsálitið.

Nú er það þó komið á hreint að opinber ætlun þessa fólk ku vera að þrýsta á um samkomulag í þessu viðræðum sem nú fara fram og virðast vera komnar í ögstræti. Það vill sem sagt að héraðstjórarnir skrifi undur nánast óútfyllta ávísun stjórnvöldum til handa,  ef ekki með góðu  þá með illu. Þetta er einhver skilgreining á samningaviðræðum sem hefur alveg farið fram hjá mér til þessa. 

En hin óopinbera áætlum er ekki síður áhugaverð en hin. Flestir "með viti" eru sammála um að málið snúist þó aðallega um að ögra það mikið og það lengi að fólk rísi upp á afturfæturnar og verji sig.  Ef slíkt ástand kemur um er það fullkominn afsökun til að taka héraðstjórann höndum (eins og gert var í Pando þann 11. sept. sl.), lýsa yfir herlögum og setja nýjan héraðsstjóra sem er stjórnvöldum þóknanlegur.  Sá núverandi (Rubén Costas) er nefninlega stærsta steinvalan í spariskóm forsetans í augnabilkinu. Menn skulu þó hafa það alveg á hreinu að hann er með um 86% af íbúum í Santa Cruz héraði á bak við sig.  Í dag, bæði í gengum sjónvarp og útvarp hafa þekktir aðilar út þjóðlífinu verið  að biðja fólk um að sýna ró og þolinmæði og svara ekki hverskonar ögrunum beinum eða óbeinum, og helst ekkert vera að fara út að óþörfu. Við skulum nú bara sjá hvernig það fer hjá skapheitu fólki á ögurstundu, sem við skulum vona að ekki komi upp. 

Að sjálfsögðu hefur þetta fólk fullan rétt á að mótmæla friðsamlega í eigin landi  og það hafa margir bent á.  Hér eins og á flestum stöðum sem vilja falla undir siðmenntaðar þjóðir, er hins vegar bannað  að ganga um rænandi, berjandi og ruplandi með byssur, sveðjur og dínamít og þá gildir einu hvort hópurinn samanstendur af 12 eða 20 þúsund einstaklingum. 

Þessari staðreynd hefur hins vegar verið ofaukið  í umræðunni hér sl. daga.

Ég verð nú líka að koma því að að þetta borgaralega andóf geng stjórnvöldum er hætt að snúast eingöngu um deilumálin.  Í augnablikinu er fólki algjörlega ofboðið með öllum þessum alræðis- og einræðistilburðum sem verið er að sýna.  Á bak við svona stjórnarhætti þarf alveg gríðarlega magnaða áróðursmaskínu með persónunjósnum og öllu tilheyrandi.  Ég hef búið hér alls í 12 ár (með hléum) og man aldrei eftir að hafa séð annað eins.  Það kostaði miklar fórnir að koma hér á  vestrænu lýðræði árið 1982. Það muna allir sem orðnir er 35 ára eða eldri. Þess vegna er mörgum verulega heitt í hamsi.

Ég vil þó taka það skýrt fram að hér er allt me ró og spekt eins og er og vonandi kemur ekki til annars.  En þetta ástand veldur þó óumdeilanlega nokkurri spennu.  Þar var t.d. nokkuð sérstakt andrúmsloft á markaðinum í morgun, það var fólk að versla eins og löööng helgi væri framundan, ekki beint að hamstra en það var greinilegt að andrúmsloftið var ekki á við venjulegan þriðjudag.

Jæja, hætt í bili enda orðið ágætt af pennalatri manneskju að vera.

Heyrumst.

ÞESSI FRÉTT VAR RÉTT Í CA. 90 MÍN.

Komiði sæl.

 

Það gleður mig mjög að geta sagt ykkur það að þessi frétt er ekki alls kostar rétt.  Þannig er að sl. daga hefur farið fram undirbúningsvinna vegna væntanlegar friðarviðræðna á milli uppreisnarhéraðanna og stjórnvalda. Héruðin 4 útnefndu einn erindreka (Luis Cossio) sem fyrir þeirra hönd átti að undirbúa viðræðurnar ásamt varaforseta landsins (Alvaro Garcia Linera). Þeir voru búnir að sitja sveittir í 4 daga og komnir með drög að viljayfirlýsingu þar sem báðir aðilar lýsa vilja sínum fyrir því að setjast niður og ræða fyrirframákveðna punta.  Skrifa átti formlega undir þessa viljayfirlýsingu (sem er ekki friðarsamkomulag í sjálfu sér) í morgun.  Aðeins nokkrum mín. áður en skrifað var undir bárust fréttir að því að áðurnefndur héraðsstjóri hefði verið handtekinn.  Þá hætti Cossio við skrifa undir en fór þess í stað og leitaði álits þeirra sem höfðu útnefnt hann til verkefnisins.  Ákveðið var að skrifa undir eigi að síður og var það gert í beinni sjónvarpútsendingu frá biskupsstofu og með erkibiskup sem vitni að gjörningnum. þetta var gert um kl. 21.30 að staðartíma (kl. 01.30 GMT tíma).  Þetta var þó gert með einum fyrirvara og hann er sá að forsetinn sjálfur skrifi einnig undir þessa viljayfirlýsingu.  það voru nefninlega bara 2 vararáðherrar (eða ráðaneytisstjórar) sem skrifuðu undir fyrir hönd ríkistjórnarinnar.  þetta er nokkuð sem mönnum finnst rýra þessa yfirlýsingur töluvert og menn vilja að forsetinn sjálfur sýni vilja sinn í verki með einni eiginhandaráritun.  Þannig er nú það. 

 

Svo er nú annað mál þetta með ásökun á hendir héraðsstjórns um fjöldamorð.  Þar eru ekki öll kurl kominn til grafar.  Það er nánast búið að taka manninn af lífi án dóms og laga.  Ásakanir ganga á víxl og himinn og haf skilur á milli þessi sem sagt er í fjölmiðlum stjórnar og stjórnarandstæðinga.  Maður þarf samt ekki að vera neitt sérstakt gáfumenni til að átta sig á því að stjórnin er að vopna sína stuðningsmenn rifflum og úr verða einhvernskonar málaliðar sem hafa enga þjálfun í notkun slíkra vopna.  Svo þegar múgæsingur er fyrir hendi þá getur orðið ansi laust um gikkinn. 

 

En eins og þið heyrið það er undiraldan verulega þung...

 

En nú á sem sagt að setjast að samninga boðinu fyrir alvöru á fimmtudag 18. sept. nk.

 

Heyrumst fljótlega.

Friðarviðræðum slitið