UM ALLT OG EKKI NEITT.

Komiði sæl.

Bloggandinn hefur ekki svifið yfir vötnum hjá mér sl. daga.  Hef einhvernveginn ekkert til að skrifa um.  Hef líka verið einhvernvegin svo "kjaftstopp" yfir ástandinu þarna heima.  Á ekki orð yfir þessu frekar en margir aðrir og nenni einhvernveginn ekki að vera "kommentera" á þetta allt saman. Finnst það líka að vera að bera í bakkafullan lækinn (sbr. "Að bera eldivið út í skóg" eins og sagt hér) þar sem ég er nú ekki beint í hringiðu atburðarásarinnar.  Hef mikið verið á netinu á lesa bloggsíður spakra manna (og kvenna).  Þessar síður hafa oftar en ekki að geyma meiri upplýsingar um ástandið en fullnuma fjölmiðlar eins og t.d. mbl.is.   Þar á bæ virðast menn enn  þurfa að passa að styggja ekki flokksforystunna.  Langar að benda á frábæra bloggsíðu Hönnu Láru Einarsdóttur.  Kann henni miklar þakkir fyrir færslur hennar.  Í  þessu annars yndislega landi eru fréttir af valdníðslu og spillingu daglegt brauð en sl. daga hafa fréttirnar af Fróni slegið öllu við, og virðist ekkert lát á, því miður.  Fjóshaugurinn bara stækkar og stækkar.  Allir fjósamennirnir horfa á í algeru ráðaleysi og byrja ekki einu sinni að moka út.  Vita trúlega ekki hvar þeir eiga að byrja.  Þjóðin vill byrja í Seðlabankanum og hjá Fjármálaeftirlitinu en á skrílinn er nátturlega ekki hlustandi, sveiattan..   Skríllinn er allaveganna laus við mykjuna upp á herðar.   Jæja.... hafi maður ekkert gott að segja ætti maður kannski bara að....

Að öðru.  Krakkarnir búnir í skólanum og komin í sumarfrí fram í febrúar, hljómar sérkennilega ekki satt?  Sabrína fékk 3 viðurkenningar í skólalok, 1 fyrir meðaleinkun 64/70 og tvær fyrir góða ástundun aðra fyrir ensku og hina fyrir spænsku.  Mamma var hrikalega montin af henni. 

Gæðin á þessari mynd er ekkert æðisleg en læt hana samt fljóta með. Set hérna inn á lokum mynd sem tekin var í kvöld.  Titillinn: "Magnús í sturtu" Það er einhvernvegin þannig með Magnús að það er erfitt að leiða hann hjá sér jafnvel í hinu daglega amstri.

 Henti inn 2 myndaalbúmum í gær úr sveitinni undir nöfnunum San Lorenzo I og II.

Þetta er nú hálf snubbótt færsla um allt og ekki neitt en ég set þetta samt inn.

Bið að heilsa.

Athugasemdir

[Fjóla Guðjóns (IP-tala skráð) 19.11.2008 kl. 10:55]

Hamingjuóskir til Sabrínu og ykkur foreldranna líka, hún á ekki langt að sækja þessa námshæfileika og alltaf ánægjulegt þegar vel gengur :-)

Takk fyrir allar myndirnar :-)

Knús til ykkar allra

[Fjóla Björnsdóttir, 19.11.2008 kl. 17:25]

Sæl nafna mín:

 Það er svo yndislegt að vita að fólk er að fylgjast með okkur gegnum þetta hrafnaspark,  takk fyrir að "kvitta".  Mikið væri nú gaman ef fleiri gerðu slíkt hið sama.     

Bestu kveðjur í Akraselið.

Fjóla.

[Birna (IP-tala skráð) 19.11.2008 kl. 18:57]

Glæsilegt hjá Sabrínu. Blogg er alltaf blogg, alltaf gaman að fá fréttir.

Bið að heilsa

[Aðalsteinn Baldursson, 20.11.2008 kl. 00:16]

Snubbótt eður ei, það er gaman að heyra frá þér.
Til hamingju með dótturina.

[Bragi Ragnarsson, 21.11.2008 kl. 15:45]

Hæ Fjóla, ég kíki stundum við hjá þér og hef gaman af að fylgjast með þér.  Sammála því sem þú segir um Láru Hönnu.

[Gummi (IP-tala skráð) 23.11.2008 kl. 22:26]

Hæ hæ. 

Gaman að heyra hvað Sabrínu hefur gengið vel í skólanum.  Flott hjá henni.

Hafið það gott.  Bið að heilsa öllum og vona að þið hafið það gott í "sumarfríinu"

 Kveðja / Gummi