ENGINN SKÓLI ÚT VIKUNA.

Komið þið sæl.

Þessi færsla verður afspyrnustutt, aðallega fyrir þær sakir að ég er búin að eyða öllu kvöldinu í að reyna að læra að setja myndir inn á þetta skrapatól  (...árinni kennir illur ræðari og svo framvegis). Þetta er nú samt allt að koma og í næstu færslum ætla ég að reyna að setja með myndir héðan frá þessu annars yndislega og gullfallega landi þaðan sem fréttirnar hafa verið mestmegnis neikvæðar upp á síðkastið.

En nú eiga friðarviðræðurnar semsagt að byrja á morgun í Cochabamba og þangað fóru allar hlutaðeigandi aðilar í dag. Þangað komu líka "alveg óvænt" eða þannig um 20 rútur (ca. 3.000 manns)  með stuðningsmönnum Morales sem voru upphaflega á leiðinni hingað til Santa Cruz til að gera allt vitlaus.  Þegar staðfest var í gær að fundað yrði í Cochabamba áætlun breytt og nú ætlar þetta fólk að hinkra þar amk. á morgun og þrýsta á "jákvæðar niðurstöður úr þessum hlutlausu viðræðum".  Það var haft eftir einhverjum manni í hópnum í sjónvarpinu að "fólk væri óvopnað... bara með með barefli"!!!.  Skyldu þau barefli vera ætluð til að stugga við flækingshundum..... ég bara spyr.  Svo þarf að sjálfsögðu ekkert að fjölyrða um Það að allar þessar rútur, gisting fyrir allt þetta fólk og vasapeningarnarnir sem það án efa fær, kemur beint úr vösum hins almenna skattgreiðenda.   NEI, þetta er ekki djók..... því miður. 

Krakkarnir eru enn í þessu krísufríi, sem trúlega varir fram yfir helgi.

En nú kemur hinsvega fyrsta myndin sem mér hefur lánast að setja inn.  Hún er frá San Javier, litlu þorpi um 180 km. héðan frá mér.

Þar er mikið mjólkurframleiðsla en ekkert mjólkursamlag þannig að bændur gera ost úr meirihluta hluta mjólkurinnar og selja á misskipulagðan hátt. Eitt af mínum uppáhaldsvæðum.

Heyrumst.

Athugasemdir

[Mínerva M Haraldsdóttir (IP-tala skráð) 18.9.2008 kl. 12:45]

Hæ elsku Fjóla Giovanni og börn !

Hugsum mikið til ykkar og sendum okkar bestu kveðjur frá Klakanum í norðri.

Vonum að ástandið fari að lagast.

Mínerva, Sigþór og Kolbeinn

[Fjóla Björnsdóttir, 18.9.2008 kl. 14:57]

Blessuð og sæl Minerva og takk fyrir þessa jákvæðu strauma.  Þetta net er alveg magnað tól og gaman að sjá hvað það eru margir að fylgjast með þessum nótum mínum.  Vona að þið hafið það sem allra allra best.

Fjóla og fjölskylda.