FYRIR BIRNU MÍNA.

Komið sæl.

Bara nákvæmlega ekkert í fréttum, hvunndagurinn alveg að drepa mann og hitinn líka. Kannski bara einhverskonar spennufall eftir allann æsinginn á fyrri vikum. Sem sagt, engar fréttir eru góður fréttir. 

Þessar myndir hér að neðan eru sérstaklega tileinkaðar Birnu systur minni sem er orðin svo leið á að sjá bara "hús og svoleiðis" á þessari síðu. Gettu nú bara hvað þetta er... enginn hús í mörg hundruð km. radíus og ekkert "svoleiðis" heldur.   Njóttu vel.

Þessar myndir eru stolnar af flickr síðunni hans Sigurjóns Guðjónssonar frænda míns,  ATH.. allur réttur áskilinn.

 

Heyrumst.   

Athugasemdir

[Fjóla frænka (IP-tala skráð) 2.10.2008 kl. 15:05]

ég myndi giska á himnaríki ef ég vissi ekki betur :-) 

Hej daa

[Birna (IP-tala skráð) 2.10.2008 kl. 15:36]

Takk fyrir myndirnar ;) Hér virðist allt ætla fjandans til. Veit nú ekki alveg hvort hægt er að segja að ástandið sé eitthvað öruggara hér á Íslandi en hjá ykkur.

 En þar sem ég er byrjuð að koma með kröfur, þá væri voða fínt að fá myndir af kunnuglegum andlitum í næstu færslu ;)

 Bið að heilsa , Birna

[Fjóla Björnsdóttir, 2.10.2008 kl. 22:23]

Sælar frænkur:

Fjóla: 

Himnaríki er umfram allt "state of mind".  Hér eru mörg möguleg himnaríki.

Birna:

Ef þú getur svarað 1 af þessum spurningum játandi þá ertu eitthvað farin að nálgast  samlíkinguna annars alls ekki.

1. Hefur þú, á sl. viku,  þurft að þræða bensínstöðvar (4 eða fleiri)  til að finna eina sem á bensín til að selja?
2. Hefur þú, á sl. viku, þurft að sólunda bensíninu í að leita út um allann bæ að gaskútum fyrir eldavélina. Endað svo að kaupa einn á okruverði e. cirka 2 tíma leit.
3. Hefur þú, á sl. viku,  þurft að spara við þig loftkælingu í bílnum í sólinni í 38 stiga hita til að spara það auka bensín sem loftkælingin útheimtir.
4. Er skortur á almenningssamgöngum vegna ofangreinds bensínskort.
5. Hefur komið til tímabundins matvælaskort á sl. vikum vegna óróleika og verkfalla.
6. Hefur þú, á sl. vikum, safnað 2000 lítrum af vatni  í plastsundlaug og keypt 80 lt. af gosi til að eiga til öryggis að drekka í hitanum.
7. Hafa skotvopn selst upp í fleirgang vegna ótryggs ástands.
8. Hefur þú nýlega keypt þér öryggishólf og múrað það inn í vegginn í svefnherberginu. Þetta til að þurfa ekki að geyma peningana þína undir dýnunni þar sem bankanum er ekki treystandi.
9. Hefur verðbólga aukist um 15% frá áramótum.
10. Hefur kaupmáttur rýrnað (þessa færðu gefins..).

Þeir sem eru í augnblikinu með þung lán á bakinu, sérstaklega í erlendri mynt eiga óskipta samúð mína.  Róðurinn verður erfiður hjá mörgum amk. eitthvað fram á næsta ár.  Ég myndi hins vegar ekki líkja saman þessu tveimur.

Og varðandi það að fá myndir af kunnuglegum andlitum það er hægt að finna fullt af myndum af jólasveininum á netinu.

 Kær kveðja Fjóla Bj.

[Sigga frænka (IP-tala skráð) 3.10.2008 kl. 10:51]

Til að koma Birnu aðeins til hjálpar þá er hægt að segja já við nokkrum af þessum spurningum ef spáin um olíuskort í landinu verður að veruleika eftir 3-4 vikur :0)

Vonum að svo verði ekki.

Biðjum vel að heilsa

Sigga

[Birna (IP-tala skráð) 3.10.2008 kl. 21:19]

Já eins og Sigga segir þá verður örugglega hægt að krossa við eitthvað af þessum atriðum fljótlega. En ég er ekki frá því að mamma muni framkvæma nr 8 fljótlega.