ÞESSI FRÉTT VAR RÉTT Í CA. 90 MÍN.

Komiði sæl.

 

Það gleður mig mjög að geta sagt ykkur það að þessi frétt er ekki alls kostar rétt.  Þannig er að sl. daga hefur farið fram undirbúningsvinna vegna væntanlegar friðarviðræðna á milli uppreisnarhéraðanna og stjórnvalda. Héruðin 4 útnefndu einn erindreka (Luis Cossio) sem fyrir þeirra hönd átti að undirbúa viðræðurnar ásamt varaforseta landsins (Alvaro Garcia Linera). Þeir voru búnir að sitja sveittir í 4 daga og komnir með drög að viljayfirlýsingu þar sem báðir aðilar lýsa vilja sínum fyrir því að setjast niður og ræða fyrirframákveðna punta.  Skrifa átti formlega undir þessa viljayfirlýsingu (sem er ekki friðarsamkomulag í sjálfu sér) í morgun.  Aðeins nokkrum mín. áður en skrifað var undir bárust fréttir að því að áðurnefndur héraðsstjóri hefði verið handtekinn.  Þá hætti Cossio við skrifa undir en fór þess í stað og leitaði álits þeirra sem höfðu útnefnt hann til verkefnisins.  Ákveðið var að skrifa undir eigi að síður og var það gert í beinni sjónvarpútsendingu frá biskupsstofu og með erkibiskup sem vitni að gjörningnum. þetta var gert um kl. 21.30 að staðartíma (kl. 01.30 GMT tíma).  Þetta var þó gert með einum fyrirvara og hann er sá að forsetinn sjálfur skrifi einnig undir þessa viljayfirlýsingu.  það voru nefninlega bara 2 vararáðherrar (eða ráðaneytisstjórar) sem skrifuðu undir fyrir hönd ríkistjórnarinnar.  þetta er nokkuð sem mönnum finnst rýra þessa yfirlýsingur töluvert og menn vilja að forsetinn sjálfur sýni vilja sinn í verki með einni eiginhandaráritun.  Þannig er nú það. 

 

Svo er nú annað mál þetta með ásökun á hendir héraðsstjórns um fjöldamorð.  Þar eru ekki öll kurl kominn til grafar.  Það er nánast búið að taka manninn af lífi án dóms og laga.  Ásakanir ganga á víxl og himinn og haf skilur á milli þessi sem sagt er í fjölmiðlum stjórnar og stjórnarandstæðinga.  Maður þarf samt ekki að vera neitt sérstakt gáfumenni til að átta sig á því að stjórnin er að vopna sína stuðningsmenn rifflum og úr verða einhvernskonar málaliðar sem hafa enga þjálfun í notkun slíkra vopna.  Svo þegar múgæsingur er fyrir hendi þá getur orðið ansi laust um gikkinn. 

 

En eins og þið heyrið það er undiraldan verulega þung...

 

En nú á sem sagt að setjast að samninga boðinu fyrir alvöru á fimmtudag 18. sept. nk.

 

Heyrumst fljótlega.

Friðarviðræðum slitið

Athugasemdir

[Birna (IP-tala skráð) 17.9.2008 kl. 08:05]

Það hefur aldeilis komið yfir þig bloggandinn. maður hefur ekki undan að lesa. Ekkert nema gott um það að segja

 Bið að heilsa öllum

[Fjóla Björnsdóttir, 17.9.2008 kl. 12:05]

Blessuð Birna mín,

Ég veit nú ekki þetta með bloggandann, ég verð bara alltaf hálfpirruð þegar ég sé fréttir sem flytja minna en hálfan sannleikann og eru þar að leiðandi kolrangar þó svo að innihaldið sé kannski ekki beint upplogið.

Ég hef bara svo mikið að gera,  þar sem ég er búin að útnefna sjálfann mig sérlegan fréttaritara af svæðinu.  Og á meðan að svona mikið er í fréttum þá get ég ekki þagað.

[Birna (IP-tala skráð) 17.9.2008 kl. 18:23]

Endilega haltu áfram sem fréttaritari. Það er nú ekki mikið sagt frá þessu hér heima, að það litla sem er sagt virðist vera tóm þvæla.

[Aðalsteinn Baldursson, 17.9.2008 kl. 18:47]

Það er spurning hvort að það eigi ekki að benda RUV, Mogganum eða einhverjum öðrum miðli hérna heima að tala beint við þig til þess að koma réttri mynd inn í fjölmiðlana hérna heima.

[Guðmundur Guðmundsson, 17.9.2008 kl. 21:29]

Go, go, go Fjóla fréttaritari!!!

[Letilufsa, 18.9.2008 kl. 00:02]

Ég fylgist spennt með!

[Fjóla Björnsdóttir, 18.9.2008 kl. 02:10]

Sæl öll sömul, og takk fyrir þennan móralska stuðning.

það er alltaf gott að vita að einhver vill lesa alla vitleysuna.  Svo get ég nú líka alveg bent ykkur á að ég er er nú ekki alveg hlutlaus í þessu öllu saman,  tek skýra afstöðu með stjórnarandstæðingum,  ekki alkostar vegna þess að þeir séu á geta allt rétt.  Mér finnst bara þessi auminga stjórn vera að gera allt vitlaust og oftar en ekki með einhvers konar "ef-ég-vinn-ekki-þá-skulu allir tapa" þankagangi.

[Gunna Konn (IP-tala skráð) 18.9.2008 kl. 03:22]

Sæl Fjóla mín.

Vonandi sýður ekki upp úr hjá ykkur. Ég fylgist með blogginu þínu og maila á þig við tækifæri.

kv. Gunna